Notes 2 Myself
to remember…
din ek sitam, ek sitam raat karo ho
Posted by on September 7, 2011
din ek sitam, ek sitam raat karo ho
wo doast ho dushman ko bhi tum maat karo ho
ham khaaq-nashiiN, tum suKhan-aaraa-e-sar-e-baam
paas aa ke milo, duur se kyaa baat karo ho
hamko jo milaa hai, wo tumhiiN se tau milaa hai
ham aur bhulaa deiN tumheiN, kyaa baat karo ho !
daaman pe ko’ii chhiiNt, na Khanjar pe ko’ii daag
tum qatl karo ho ke karamaat karo ho
bakne bhi do Ajiz ko, jo bole hai so bake hai
deewaana hai, deewaane se kyaa baat karo ho
Advertisement
Is naaz is andaaz se tum haaye chalo ho
Roz ek ghazal hum se kahalvaaye chalo ho
Rakhnaa hai kahin paanv to rakho ho kahin paanv
Chalnaa zaraa aaya hai to itraaye chalo ho
Deewaan-e-gul qaidi-e-zanjeer hai aur tum
Kya thaath se gulshan ki hawa khaaye chalo ho
Mai mein koi khaami hai na saagar mein koi khot
Peena nahin aaye hai to chhalkaaye chalo ho
Hum kuchh nahin kahte hain koi kuchh nahin kahtaa
Tum kyaa ho tumhiin sab se kahalavaaye chalo ho
Zulfon ki to fitrat hai lekin mere pyaare
Zulfon se bhi ziyadaa balkhaaye chalo ho
Wo shokh sitamgar to sitam dhaaye chale hai
Tum ho ke “Kaleem” apni ghazal gaaye chalo ho